Irunek, joera hipokondriakoak dituen emakume dudatsu eta bakarti batek, herri industrial baten kanpoaldeko fabrika batean egiten du lan. Iruneren bizitza ezagunen zirkulu txiki batera mugatzen da: bere lankideak, adiskidea edo halako zerbait den bizilagun bat eta inoiz hartzen ez dituen trenen ordutegiak kontsultatzen dizkion Renfeko operadore bat. Iruneren oreka hauskorra apurtu egingo da bularrean koskor bat detektatzen diotenean eta, aldi berean, lan-gatazka bati aurre egin beharko dio. Orduan, emakumearen bizitzak ustekabeko norabide bat hartuko du: baliteke ez jakitea, baina betitik itxaron duen aukera izango du.

Agustinek bere oiloa galdu du. Munduak konponbiderik gabeko aldaketak bizi dituelarik, Bilbotik abiaturik, mendiak eta oihanak zeharkatuko ditu oiloa aurkitu arte.

Zinemagile batek bere herriko artzainek mendira egiten zuten transhumantziaren bidea berreskuratzea erabakitzen du, baina ez du aurkitzen ibilbide zehatza adierazteko lekuko bizirik. Bere ideia ere bere familiaren super-8 kamera zaharrarekin filmatzea da, baina 41 urte erabili gabe igaro ondoren, ez duela soinurik jasotzen ohartzen da. Ahaztutako bidea eta kamera isila bihurtuko dira, Paolo izeneko astoarekin batera, oroitzapenez, galderaz eta isiltasunez betetako bidaia baten protagonistak..

Azterketak Euskaraz kolektiboa osatzen duten Seaskako ikasle, irakasle, guraso eta ikasle ohien testigantzak jasotzen ditu Lander Garrok zuzendutako dokumentalak.

Molde zaharreko azken dantza maisua genuen Paxatxo, hainbat belaunaldiz transmititu den dantza-irakaskuntza ereduaren azken katebegia izan baita. Bere heriotzak gogor astindu zuen Beasain, eta azken urteetan garai berrietara egokitutako ohiturak , lehen aldiz, etorkizunera begira jarri ditu kezkaz. Ba al da tradiziorik dantza maisurik gabe? Eta, azkena izango ote da?

Animadeba Gipuzkoako festibalak Euskal Animazioaren 50. Urteurrena ospatu du aurten. Karia hortara, Zinegin festibalari ordu bateko euskal animazio film sorta bat eskaini du. Euskal animazioa ez da genero ezagunena, baina film labur anitz existitzen dira, eta deskubritzeko altxor anitz!

Ehiza – Hauazkena taldea

Areka – Atxur Animazio taldea

Beti bezpereko kopla – Ageda kopla taldea

Hubert Leblonen azken hegaldia – Koldo Almandoz

Beerbug – Ander Mendia

Gartxot – Juanjo Elordi

La Gallina Ciega – Isabel Herguera