Kantuak zion « errekari mintzo zen ». Kantua galdu dugu. Kantu hau kantatzen zuena galdu dugu. Xoriak, erreka, ura,… Transizioa ari dela diote. Transizioa… Harro dira… Harroegi… Eta herria, gure herria ederrena da. Beti.

2224ean gira. Makarroi jauna Frantsesepaniako lehendakaria da. Euskal Herrian ez da euskaldun bat ere ez gelditzen. Batere ez? Ez da hain segur…

1905ean Bengalan idatzitako zientzia-fikziozko ipuin feminista batek inspiratuta, Inések iniziazio-bidaia bati ekingo dio Indian barrena, Ladyland emakumeen lurralde utopikoaren bila.

Interneten bere gaztetako irudi biluzia dabilela ikustean, Anek
berreraiki beharko du bere bizitzako unerik gogorrena, burutik erabat ezabatuta zuena. Arazoari aurre egitera behartuta, ikertuko du bere irudi horiek grabatu zituen gizona, Donostiako argazkilari ospetsua, lagun boteretsu asko dituena. Honen kontrako salaketa guztiak baztertuta geratzean, Aneri kasua publiko egitea besterik ez zaio geratuko.

Hogei mila inguru biztanle besterik ez dituen, eta Euskal Herriko erdigune geografikoan kokaturik dagoen eskualde batean, Sakanan (Nafarroa), gutxienez 149 pertsonek pairatu dute tortura 1966 urtetik 2011 urtera doan epealdian. Herritar kolektibo eta bolondres batek, dokumental hau sortu du hainbat lekukotasunen argitara ezartzeko.

Zer-nolako bizi aukerak geratzen dira lurralde batek erabateko aldaketa jasaten duenean? 1990eko hamarkadan, Nafarroako Pirinioetako maldetan Itoizko urtegia eraikitzeko zazpi herri eta hiru erreserba natural urperatu zituzten. Egun, 592 metroen kotan, lur biluziak bailarako paisaian marra banatzaile bat marrazten du: kota horren azpitik ura dago, eta gainetik, bizitzak aurrera dirau.

Proiekzioa eta gero solasaldi berezia Maddi Barber eta Itoizeko 2 Solidarioekin.