Uraren oldea

Uraren Oldea zuzeneko ikusgarri musikal eta bisual hunkigarria da, familiako diapositiba zahar batzuk oinarri
dituena. Diapositibek uholde bat jasan zuten 1997an eta urak eraldatu zituen, denborak oroitzapenekin egiten
duen bezala. Zine-kontzertu hau memoriaz, oroitzapenez, denboraz eta garenaz (edo izateari uzten diogunaz)
ari da. Soinua eta musika ere, ahots-efektu eta loopen bidez, denboran joan-etorrika dabil, azkenik ohartzeko
oraina besterik ez dela.